శ్రీహనుమతే నమ:

గురువుగారికి మరియు కవిమిత్రులకు శ్రీహనుమత్ జయంతి పర్వదిన శుభాకాంక్షలు.  

శ్రీమద్రామ పవిత్రపాదయుగ సంసేవాస్వభావుండునున్   
సోమస్తేజ విరాజితోత్తమ మహా శోభాయమానుండునున్
రోమాంఛత్కృత వీర్యధైర్య బలసంప్రోక్తుండునున్ నిత్యమున్
రామధ్యాన తపోనిధానుఁడగు నిన్ ప్రార్థించెదన్ మారుతీ.

గురుదేవులకు శ్రీ శంకరజయంతి పర్వదిన శుభాకాంక్షలు. 

అద్వైతామృత ధార బంచెను జగద్వ్యాప్తంబుగా ధీరుఁడై
విద్వత్ప్రౌఢిమఁ జూపుచున్ జనుల సద్విజ్ఞానమున్ బెంచుచున్
సద్వైరాగ్య విచారభావనల తేజ:పూర్ణుఁడై దివ్య మో 
క్ష ద్వారంబును జూపు "శంకరుల"కున్ కైమోడ్పులర్పించెదన్.