దత్తపది

ఒకానొక సహస్రావధానములోని దత్తపది.

రూపుతెర మస్తాన ప్యారుమెర దీవానా అనే పాట ఉందికదా. ఈ పాటలోని ఉర్దు పదాలతో సంస్కృతములో పద్యమును చెప్పమన్నారు, అదీనూ అనుష్టుప్ చందస్సులో.  మరి మన అవధాని శ్రీ నాగఫణి శర్మగారి పూరణ చూడండి.

నీలాభ్రరూపతేరామ
సమస్తానాం శుభంకర
తత్తథాప్యారమే రామే
నదీవానంద వర్ధనా.

అవధానికి నమోవాక్కులు.        

సరదా పద్యము

ఏమి పొద్దుపోక, ఈ రాత్రి భోజనానతరము అలా నడుచుకుంటూ పోతున్నాను.  మామూలుగా ఐతే నేను నిఠారుగా నడువను.  నా ప్రక్కన నడిచే ఒకతనిని చూచి నిఠారుగా ఉండాలి, నిఠారుగా నడవాలి అనే ఆలోచన చేసినాను. ఈ విషయాన్ని నేను ఎవరికైనా చెప్తే ఎందుకు నిఠారుగా నడవాలి అనే ప్రశ్న వేస్తారు కదా........... ఈ ఆలోచనే ఈ నా పద్యానికి పునాది.  

ఏదో సరదా పద్యమంతే.  

నిట్టనిఠారుగా నిలువ నేర్పును ధైర్యము శక్తియుక్తుల
ట్టట్టనె వచ్చి చేరునవి యాంతరశోభను వృద్ధిచేయ, చూ
పెట్టుము నీదు యోగ్యతను, పిన్నలు పెద్దలు మెచ్చుకొందురే,
పట్టివి, చెప్పినట్టులిది భావన జేయుము నీమనంబునన్.      

శ్రీవివేకానందుని జన్మదిన శుభాకాంక్షలు

కవిమిత్రులకు మరియు బ్లాగు వీక్షకులకు శ్రీవివేకానందుని జన్మదిన శుభాకాంక్షలు. ఒకానొక అవధానములో శ్రీ మాడుగుల నాగఫణిశర్మగారు వివేకానందుని గురించి యిలా చెప్పారు.    

ఆహా ఆంతరశోభమాదని వివేకానందుడే చెప్పె ప్ర      
త్యూహాపోహల వేళ నీకు నిజ సద్యోదృష్టి వీక్షింపుమీ
"సోహం"బన్న నిజాద్వయస్థితిగతిన్ చూపింపగా భారతీ
స్నేహంబే శరణంబు మీదు గుణరాశింజూచి పెంపొందు మీ
గోహైన్యస్థితి చీకుచింతలచికాగో పట్టణశ్రేష్ఠమా!