ఏమి పొద్దుపోక, ఈ రాత్రి భోజనానతరము అలా నడుచుకుంటూ పోతున్నాను. మామూలుగా ఐతే నేను నిఠారుగా నడువను. నా ప్రక్కన నడిచే ఒకతనిని చూచి నిఠారుగా ఉండాలి, నిఠారుగా నడవాలి అనే ఆలోచన చేసినాను. ఈ విషయాన్ని నేను ఎవరికైనా చెప్తే ఎందుకు నిఠారుగా నడవాలి అనే ప్రశ్న వేస్తారు కదా........... ఈ ఆలోచనే ఈ నా పద్యానికి పునాది.
ఏదో సరదా పద్యమంతే.
నిట్టనిఠారుగా నిలువ నేర్పును ధైర్యము శక్తియుక్తుల
ట్టట్టనె వచ్చి చేరునవి యాంతరశోభను వృద్ధిచేయ, చూ
పెట్టుము నీదు యోగ్యతను, పిన్నలు పెద్దలు మెచ్చుకొందురే,
పట్టివి, చెప్పినట్టులిది భావన జేయుము నీమనంబునన్.
No comments:
Post a Comment