శ్రీశంకరాచార్యులు ఒక మూగవానికి మాటలు వచ్చేటట్లు చేసినాడని ప్రతీతి......
వివిధానేక విశిష్ఠ శాస్త్రతతులన్ విస్తారమున్ జేసి ప్రా
భవమద్వైత మహానిధానమున విద్వాంసాళినోడించె సం
స్తవనీయుండగు శంకరార్యులిదె శిష్యప్రేమఁ దీవించగా
చవులూరన్ వినిపించె మూఁగ యొకఁడున్ షట్శాస్త్రముల్ వింతగన్
తమదగు రాజ్యమేలుటకు ధైర్యము సాహసముల్ ఘటించుచున్
సమరము జేయబూని యొక జట్టుగ జేరి సభాముఖంబునన్
సుముఖత తేటతెల్లముగ చొప్పిల జేయఁగ పర్వునంది యు
ద్యమ సదనంబుఁ జేరి రతిహర్షమునన్ దమ భాగ్యమం చహో!
ఇమ్మహినాహవంబున మహేంద్రుని గెల్చిన వాడు వాడి బా
ణమ్మున మేఘనాథుఁడు రణమ్మున లక్ష్మణు మూర్చజేయ వే
గమ్ముననా హిమాలయ నిగమ్ముల గాలిచి యౌషధీయ గో
త్రమ్మును దెచ్చె మారుతియె రామునికై ముదమంద వానరుల్
